金牌莊家、立法會議員詹培忠，最近在美國拉斯維加斯贏大錢之餘，更成為「賭神」。他今次應MGM邀請，參加酒店一年舉行兩次的百家樂大賽，詹培忠手風順到連贏一百場賽局，成為百家樂世界冠軍。

詹培忠說，冠軍獎金一百萬美金，其實好濕碎，因為平日在賭枱搏殺，如果贏足一百鋪，至少贏幾百萬美金，但今次攞冠軍別具意義。「由初賽、複賽到準決賽，手風都好順，但去到決賽就處於下風，本來有七成半機會會輸，但最後跌了隻靚牌給我，憑運氣贏咗。」他說。

他又指，今次比賽雖是酒店招客的噱頭，但有二百多位來自美國、加拿大、泰國、印尼等地的高手參加，全場只得佢一個香港人，以往亦從未試過由港人贏冠軍，金勞詹幫香港威番次。

可以轉行啦